Kei ngā maunga whakahī, ngā tai mihi tāngata, ngā awa whakatere taniwha, ngā mana o te whenua, toitū ki a koutou.
He tangi, he poroporoaki tēnei ki ngā mate o te wā, e ngā kanohi e kore e kite, koutou i whakangaro atu ki tua o te ārai, hoatu ki te pūtahitanga o rehua, ki te huihuinga o te kahurangi. Haere ngā mana, ngā nui, haere, haere atu rā.
Kāpiti hono tātai hono, rātou te hunga mate ki a rātou. Kāpiti hono tātai hono tātou te hunga ora ki a tātou, tēnā koutou, tēnā koutou, ā, kāti rā, kia ora mai anō tātou katoa.
He mihi tēnei kia koutou e para nei i te huarahi o nga mātua tipuna. Ko te whakaaro i te mutunga ka whai koha tātou mo te orangatonutanga hei painga mo te iwi.
Nau mai, haere mai - we are delighted to have you join us for this show - it’s been a long time coming!